ოკუპირებული აფხაზეთის ე.წ. გენერალურმა პროკურორმა ადგურ აგრბამ, უხეში პასუხი გასცა ბელარუსის საგამოძიებო ცენტრს (Belarusion Investivgative Center – BIC) რომელმაც, მანამდე გამოაქვეყნა გამოძიება ალიაქსანდრ ლუკაშენკას ინტერესებზე აფხაზეთში და საგამოძიებო ორგანოსთან დეტალების დაზუსტებას შეეცადა. „ალექსანდრე გრიგორიევიჩი სამართლიანად არის ჩვენი დროის ერთ-ერთი ყველაზე ავტორიტეტული სახელმწიფო მოღვაწე, პასუხისმგებელი ლიდერის მაგალითი, რომელიც მტკიცედ იცავს თავისი ხალხის ინტერესებს და პატივისცემით სარგებლობს ჩვენს ქვეყანაში“ - უპასუხეს ბელარუსის საგამოძიებო ცენტრს ე. გენერალურ პროკურატურაში და დაამატეს, რომ „აფხაზეთის რესპუბლიკის სახელმწიფო სტრუქტურებისადმი მსგავსი პროვოკაციული მიმართვების განმეორების შემთხვევაში, მათი ავტორები დაუყოვნებლივ გაიგზავნებიან ცნობილი მარშრუტით, რომელიც შედგება სამი ასოსგან“. ე.წ. პროკურატურის წერილი 13 ოქტომბერს BIC - მა გამოაქვეყნა გამოძიება, რომლის თანახმად, ლუკაშენკას ოკუპირებულ აფხაზეთში ვიზიტის შემდეგ, 2022 წლის 28 სექტემბერს, მის მიერ კონტროლირებად კომპანიას 20 ჰექტარი მიწა გადაეცა ",მსხვილი საინვესტიციო პროექტის განსახორციელებლად" ოჩამჩირის რაიონის სოფელ კინდრში. ასევე ნახეთ როგორ იყიდა ლუკაშენკამ აფხაზეთში 200 000 კვ. მეტრი მიწა 2022 წლის ოქტომბრის ბოლოს აფხაზეთის ტელევიზიის ეთერში გავიდა სიუჟეტი, რომელშიც ლაპარაკი იყო დიდი საინვესტიციო პროექტის განსახორციელებლად 20 ჰექტარი მიწის გამოყოფის შესახებ, რომ ოჩამჩირის რაიონის სოფელ კინდღში უნდა აშენდეს სანატორიუმი და საკურორტო კომპლექსი. „ინვესტიციის მოცულობა 15 მილიარდი რუბლია. შპს „ჟემჩუჟინა 2010“ რეგისტრირებულია აფხაზეთში და მისი 90%-ის მფლობელია ბელარუსის მოქალაქე, ხოლო 10%-ისა - აფხაზეთის მოქალაქე“, - ჰყვებოდნენ სატელევიზიო სიუჟეტში. 15 მილიარდი რუსული რუბლი (თითქმის 260 მილიონი დოლარი 2022 წლის 29 სექტემბრის მდგომარეობით) მეტია მთელი აფხაზეთის წლიურ ბიუჯეტზე, რომლის ხარჯვითმა ნაწილმა 2022 წელს დაახლოებით 13,3 მილიარდი რუსული რუბლი შეადგინა. შედარებისთვის, 2015 წელს საავტომობილო ქარხნის, „ბელჯის“ მშენებლობისთვის ჩინეთმა ბელარუსს 100 მილიონი დოლარით ნაკლები კრედიტი მისცა. ლუკაშენკა არ აღირებს აფხაზეთის "დამოუკიდებლობას", თუმცა ის 2022 წელს სოხუმს, მოგვიანებით კი მინსკში მიიღო ოკუპირებული აფხაზეთის ე.წ. ლიდერი ასლან ბჟანია. ...