საფრანგეთის პრეზიდენტი ემანუელ მაკრონი, გერმანიის კანცლერი ოლაფ შოლცი და პოლონეთის პრემიერ-მინისტრი დონალდ ტუსკი ერთობლივ განცხადებაში საქართველოში არსებული პოლიტიკური ვითარების გამო შეშფოთებას გამოხატავენ, ინფორმაციას სააგენტო Reuters-ი ავრცელებს. ე.წ. ვაიმარის სამკუთხედის ქვეყნების ლიდერები ერთობლივ განცხადებაში წერენ, რომ ვერ მიემხრობიან საქართველოს ევროკავშირში გაწევრიანებაზე მოლაპარაკებების დაწყებას, სანამ ქვეყანა რეფორმებს არ გაატარებს. „სანამ საქართველო არ შეცვლის თავის ამჟამინდელ კურსს და არ გამოავლენს ხელშესახებ მცდელობებს რეფორმებთან დაკავშირებით, კერძოდ, გაუქმებით ბოლოდროინდელი კანონმდებლობისა, რომელიც ეწინააღმდეგება ევროპულ ღირებულებებსა და პრინციპებს, ჩვენ ვერ შევძლებთ საქართველოსთან გაწევრიანების მოლაპარაკებების გახსნის მხარდაჭერას“, - ნათქვამია განცხადებაში. როგორც ერთობლივ განცხადებაშია აღნიშნული, სამი ქვეყნის ლიდერი აცხადებს, რომ ღრმად შეშფოთებული არიან საქართველოში ჩატარებული საპარლამენტო არჩევნების გამო, საერთაშორისო სადამკვირვებლო მისიის მიერ გამოქვეყნებულ წინასწარ დასკვნებზე დაყრდნობით. "კერძოდ, ჩვენ ღრმად შეშფოთებულნი ვართ იქ მითითებული მრავალი დარღვევითა და ამომრჩეველთა დაშინებით, რამაც უარყოფითი გავლენა მოახდინა საარჩევნო პროცესისადმი საზოგადოების ნდობაზე", - წერია ერთობლივ განცხადებაში. მაკრონი, შოლცი და ტუსკი მოუწოდებენ საქართველოს ხელისუფლებას საჩივრების გამჭვირვალე გამოძიებისკენ "მოხსენიებულ დარღვევებზე ნათელის მოსაფენად, ხოლო ჩვენ გულდასმით განვიხილავთ საერთაშორისო სადამკვირვებლო მისიის საბოლოო ანგარიშს, რომელიც წარმოდგენილი უნდა იყოს დადგენილ ვადაში". "ჩვენ მხარს ვუჭერთ ქართველი ხალხის დემოკრატიულ და ევროპულ მისწრაფებებს. მშვიდობიანი შეკრებისა და გამოხატვის თავისუფლება ფუნდამენტური უფლებებია დემოკრატიულ საზოგადოებებში და უნდა იყოს დაცული. ამ მიზნით, მოვუწოდებთ ღია დიალოგისკენ ყველა პოლიტიკურ ძალასა და სამოქალაქო საზოგადოების ორგანიზაციასთან. 26 ოქტომბრის საკანონმდებლო არჩევნების ჩატარებამდე, ევროპულმა საბჭომ ხაზი გაუსვა იმ ფაქტს, რომ საქართველო შორდება თავის ევროპულ ტრაექტორიას და დაჟინებით მოითხოვა თავისუფალი და სამართლიანი არჩევნების ორგანიზების აუცილებლობა", - ნათქვამია განცხადებაში. ამასთან, ევროკავშირის წევრი სახელმწიფოების ლიდერებისადმი ევროპული საბჭოს პრეზიდენტის, შარლ მიშელის მიერ გაგზავნილი მოსაწვევი წერილის თანახმად, საბჭოს არაფორმალურ შეხვედრაზე ევროპელი ლიდერები განიხილავენ საპარლამენტო "არჩევნების შემდეგ საქართველოში არსებულ ვითარებას და წინსვლის გზას". ბუდაპეშტში 8 ნოემბერს ევროპული საბჭოს არაფორმალურ შეხვედრაზე ევროკავშირის ლიდერები ტრანსატლანტიკური ურთიერთობებისა და გაერ...