შეერთებული შტატების არჩეული პრეზიდენტი დონალდ ტრამპი აცხადებს, რომ ახალ ადმინისტრაციაში არ მიიწვეს ყოფილ სახელმწიფო მდივან მაიკ პომპეოს. ტრამპმა ეს 10 ნოემბერს დაწერა თვის სოციალურ ქსელში, Truth Social-ში. გარდა პომპეოსა, ტრამპი ამბობს, რომ ახალ ადმინისტრაციაში თანამდებობა არ ექნება არც ნიკი ჰეილის, - ტრამპის პერიოდში აშშ-ის ელჩს გაეროში. „მე არ მოვიწვევ ყოფილ ელჩს, ნიკი ჰეილის, და ყოფილ სახელმწიფო მდივან მაიკ პომპეოს, ტრამპის ადმინისტრაციაში, რომელიც ამჟამად ფორმირებაშია“, - წერს ტრამპი. „მე ძალიან მსიამოვნებდა და ვაფასებდი მათთან მუშაობას და მინდა, მადლობა გადავუხადო მათ ჩვენი ქვეყნისთვის გაწეული სამსახურისთვის“, - წერს არჩეული პრეზიდენტი. დონალდ ტრამპი კვლავ ამერიკის შეერთებული შტატების პრეზიდენტი ხდება. 78 წლის ასაკში ის ყველაზე ხანდაზმული კანდიდატია, ვისაც ოდესმე გაუმარჯვია აშშ-ის საპრეზიდენტო არჩევნებში. წინა რეკორდი მის წინამორბედს, ჯო ბაიდენს ეკუთვნოდა, რომელმაც, ოთხი წლის წინ, 77 წლის ასაკში დაამარცხა ტრამპი. 20 იანვარს, ინაუგურაციის შემდეგ, ტრამპს ასევე შეეძლება, თქვას, რომ ის ამერიკის შეერთებული შტატების 45-ე და 47-ე პრეზიდენტია. ამერიკის ისტორიაში აქამდე მხოლოდ ერთი პრეზიდენტი, გროვერ კლივლენდი, აირჩიეს ორჯერ არა ზედიზედ. ეს 130-ზე მეტი წლის წინ მოხდა. ტრამპი უკვე გახდა პირველი პრეზიდენტი, რომლის იმპიჩმენტიც ორჯერ განხორციელდა. ის პირველი პრეზიდენტია, რომელიც ნასამართლევია სისხლის სამართლის დანაშაულისთვის. ასევე ნახეთ რას უნდა ველოდეთ ტრამპ 2.0-ისგან? ...