თბილისში მყოფი შვედი კლიმატის აქტივისტი, გრეტა თუნბერგი საზოგადოებას მოუწოდებს, შეუერთდნენ ორშაბათს, 11 ნოემბერს, „კავკასიაში ავტორიტარიზმის ტალღის“ წინააღმდეგ საპროტესტო დემონსტრაციას. აქცია ორშაბათს თბილისში, თავისუფლების მოედანზე, პუშკინის სკვერიდან დაიწყება. „შემოგვიერთდით აქციაზე, რომლითაც გავერთიანდებით ავტორიტარიზმისა და ექსპლუატაციის ტალღის წინააღმდეგ, რომელიც ვრცელდება კავკასიის რეგიონში“, - წერს თუნბერგი ინსტაგრამზე. три იგი ძირითადად აზერბაიჯანზე საუბრობს, თუმცა ამბობს, რომ „ავტორიტარული ტრენდი იზოლირებული შემთხვევა არ არის: „რეგიონის მასშტაბით, ივანიშვილი, პუტინი ერდოანი, ირანის თეოკრატიული რეჟიმი აძლიერებენ კონტროლს, ახშობენ წინააღმდეგობას, ავიწროებენ საკუთარ ხალხს და ეომეობიან და ეთნიკურ წმენდას უწყობენ სომხებს, უკრაინელებს, ქურთებსა და სხვა ეთნიკურ უმცირესობებს“, - მიიჩნევს ის. „აზერბაიჯანი, რომელიც გაეროს კლიმატის კონფერენცია COP29-ს ფასადურად იყენებს, აძლიერებს ავტორიტარულ კონტროლს ყალბი „მწვანე“ დღის წესრიგით, და რეგიონში ვითარებას ძაბავს“, - წერს თუნბერგი. თუნბერგი ერთი კვირაა, თბილისში იმყოფება. 4 ნოემბერს თბილისში, რუსთაველის გამზირზე, მყოფმა თუნბერგმა მხარი დაუჭირა საქართველოს ოპოზიციას, რომელიც გაყალბებულად მიიჩნევს 26 ოქტომბრის საპარლამენტო არჩევნების შედეგებს და საპროტესტო აქციებს მართავს. три ...