აშშ-ის პრეზიდენტად არჩეულ დონალდ ტრამპს გასულ კვირაში სატელეფონო საუბარი ჰქონდა რუსეთის პრეზიდენტ ვლადიმირ პუტინთან. მათ განიხილეს უკრაინის ომის თემა, იტყობინება The Washington Post-ი 10 ნოემბერს წყაროებზე დაყრდნობით. სტატიაში ნათქვამია, რომ ტრამპმა მოუწოდა პუტინს, მიიღოს ზომები შემდგომი ესკალაციის თავიდან ასაცილებლად და ასევე შეახსენა "ვაშინგტონის მნიშვნელოვანი სამხედრო ყოფნა ევროპაში". ერთი დღით ადრე, დონალდ ტრამპი ესაუბრა უკრაინის პრეზიდენტ ვოლოდიმირ ზელენსკის და მედიის ცნობით, უთხრა, რომ მხარს უჭერდა კიევს, ნათქვამია Reuters-ის ცნობაში. ასევე ნახეთ მედიის ცნობით, მასკი ტრამპის და ზელენსკის სატელეფონო საუბარს ესწრებოდა წინასაარჩევნო კამპანიის დროს ტრამპმა არაერთხელ განაცხადა, რომ თანამდებობაზე არჩევის შემთხვევაში ის იპოვის გამოსავალს, რომელიც უკრაინაში ომს ერთ დღეში დაასრულებს. რესპუბლიკელ პოლიტიკოსს არ დაუკონკრეტებია, რა ნაბიჯების გადადგმას აპირებს. რუსეთის პრეზიდენტის პრესმდივანმა დიმიტრი პესკოვმა 10 ნოემბერს გადაცემისთვის, "მოსკოვი. კრემლი. პუტინი", მიცემულ ინტერვიუში ხაზგასმით აღნიშნა, რომ ტრამპმა "სულ მცირე, მშვიდობაზე ისაუბრა". „ის არ ლაპარაკობს რუსეთისთვის სტრატეგიული მარცხის მიყენების სურვილზე და ეს მას დადებითად განასხვავებს ამჟამინდელი ადმინისტრაციისგან“, - მოჰყავს რუსეთის სააგენტო "ინტერფაქსს" პესკოვის სიტყვები. 7 ნოემბერს "ვალდაის ფორუმზე" გამართულ პრესკონფერენციაზე ვლადიმირ პუტინმა საჯაროდ მიულოცა დონალდ ტრამპს პრეზიდენტად არჩევა. მან მას მამაცი კაცი უწოდა და თქვა, რომ წინააღმდეგი არ იქნება, დაურეკოს. მანამდე პუტინს არჩევნებში ტრამპის გამარჯვებაზე არაფერი უთქვამს: პუტინის პრესმდივანმა დიმიტრი პესკოვმა განაცხადა, რომ არ იცის, სურდა თუ არა პუტინს არჩეული პრეზიდენტისთვის მილოცვა. „მიუხედავად ამისა, არ უნდა დაგვავიწყდეს, რომ ჩვენ ვსაუბრობთ არამეგობრულ ქვეყანაზე, რომელიც პირდაპირ და ირიბად არის ჩართული ჩვენი სახელმწიფოს წინააღმდეგ ომში“, - აღნიშნა კრემლის პრესმდივანმა. ასევე ნახეთ პუტინი ცდილობს, ტრამპის გამარჯვებას გულგრილად შეხვდეს ...