"ჩვენ არ ვართ აქ, როგორც მტრები, არ ვართ იმიტომ, რომ ხელი შევუწყოთ რეჟიმის ცვლილებას. ვიცი, ხანდახან რთულია, როცა მეგობარი გაწუხებთ, მაგრამ ჩვენ ვალდებული ვართ, ეს გავაკეთოთ", - აღნიშნა მიხაელ როთმა. მისი თქმით, ევროკავშირის წევრი ქვეყნებისთვის ერთმანეთის საქმეებში ჩარევა მნიშვნელოვანია, "ქვეყანაში არსებული პრობლემის დროს ჩარევა სწორი პრაქტიკაა" და ამას აკეთებენ ევროკავშირის წევრ ქვეყნებში ჩატარებულ არჩევნებთან დაკავშირებითაც. "ჩვენ აქ ვართ, ვინაიდან ძალზედ შეშფოთებული ვართ არჩევნებით და საქართველოს არსებული ხელისუფლების ანტიდემოკრატიული პოლიტიკით. საქართველოს ბოლო არჩევნები არ იყო სამართლიანი და თავისუფალი. ბევრ საარჩევნო უბანზე ხმის ფარულობა არ იყო გარანტირებული, ამომრჩევლის დაშინებამ და ოპოზიციური პოლიტიკური პარტიებისა და მათი მხარდამჭერების დაშინებამ ძირი გამოუთხარა დემოკრატიულ პროცესს და გაზარდა კითხვები შედეგების ლეგიტიმურობასთან დაკავშირებით“, - თქვა როთმა, რომლის სიტყვებით, ამის შესახებ განაცხადეს საერთაშორისო სადამკვირვებლო მისიებმა, მედიამ და ადგილობრივმა სამოქალაქო ორგანიზაციებმა. როთი ამბობს, რომ მხარს უჭერენ მაკრონის, შოლცისა და ტუსკის მოწოდებას არჩევნებზე არსებული დარღვევების გამოძიების აუცილებლობაზე. ასევე ნახეთ მაკრონი, შოლცი და ტუსკი საქართველოს კურსის შეცვლისა და რეფორმების გატარებისკენ მოუწოდებენ "ამ მტკიცებულების გამოძიების გარეშე ევროკავშირი ვერ აღიარებს ამ არჩევნებს, როგორც ლეგიტიმურს", - თქვა გერმანიის ბუნდესტაგის საგარეო ურთიერთობათა კომიტეტის თავმჯდომარემ. მისივე თქმით, თუ არჩევნებთან დაკავშირებული განცხადებები დამოუკიდებლად არ იქნება გამოძიებული, მოითხოვენ ინდივიდუალურ სანქციებს იმათ მიმართ, „ვინც პასუხისმგებელია ამომრჩეველთა მანიპულაციაზე და დაშინებაზე“. ასევე ნახეთ „ჩვენ შევდივართ კრიზისში“ - ზურაბიშვილი ევროპელი პარლამენტარების დელეგაციას შეხვდა როთის სიტყვებით, "თუ საქართველოს ამჟამინდელი მთავრობა გააგრძელებს თავის ანტიდემოკრატიულ ტრაექტორიას, გააგრძელებს ევროპული ღირებულებისთვის ძირის გამოთხრას, საქართველოს პროგრესი ევროკავშირის მიმართულებით შეჩერებული დარჩება. საქართველოს პოლიტიკა შეუსაბამოა ევროკავშირის წევრობასთან". როთის სიტყვებით, საქართველოში იმყოფებიან იმისთვის, რომ კონსტრუქციული დიალოგი აწარმოონ არა მხოლოდ პრეზიდენტთან და სამოქალაქო სექტორთან, არამედ მმართველ გუნდთანაც. "სამწუხაროდ, მმართველმა პარტიამ და მთავრობამ არ ისურვეს შეხვედრა, ეს სამწუხაროა. დიალოგი მნიშვნელოვანია. რომც არ ვეთანხმებოდეთ, უნდა შევიკრიბოთ და გავცვალოთ ჩვენი მოსაზრებები, ეს არის ევროპის არსი, ამიტომ ვართ აქ", - თქვა მიხაელ როთმა. მან მედიას მიმართა, რომ ...