საქმე ეხება არჩევნებზე მისული ქალებისა და კაცების შესახებ ISFED ის გამოთხოვილ საჯარო ინფორმაციას. ორგანიზაციამ ცესკოდან მიღებული მონაცემები დაამუშავა და აღმოაჩინა, რომ ზოგიერთ საარჩევნო უბანზე იმაზე მეტი კაცი მივიდა, ვიდრე საარჩევნო სიაში იყო. თავიდან ცესკომ ISFED-ი „საარჩევნო ცოდნის ნაკლებობაში“ დაადანაშაულა, შემდეგ კი თქვა, რომ ორგანიზაციისთვის გაგზავნილ ინფომრაციაში „ადამიანური შეცდომით გამოწვეული რამდენიმე ხარვეზი“ იყო. „სამართლიანი არჩევნების“ მცდელობა, განაზოგადოს 11 უბანზე დაშვებული უზუსტობები და ეს „მნიშვნელოვან შეუსაბამობად“ მონათლოს, მით უფრო, წარმოაჩინოს არჩევნების გაყალბების დამადასტურებელ ფაქტად, უბრალოდ არასერიოზულია“, - აცხადებენ ცესკოში. დღეს, 13 ნოემბერს, არასამთავრობო ორგანიზაცია „სამართლიანმა არჩევნებმა“ ცესკოს საჯაროდ, კიდევ ერთხელ მოსთხოვა განმარტება საარჩევნო სიებთან დაკავშირებით. ორგანიზაციაში თქვეს, რომ საარჩევნო ადმინისტრაციიდან ჯერაც არ მიუღიათ სპეციალური სიების შესახებ გამოთხოვილი ინფორმაცია. ასევე ნახეთ ამომრჩეველთა სიაში შეუსაბამობების ასახსნელად ISFED-ი კვლავ ითხოვს მკაფიო პასუხს ცესკოსგან უფრო ადრე, 7 ნოემბერს, „სამართლიანმა არჩევნებმა“ საზოგადოებას ამცნო, რომ საარჩევნო დღის სტატისტიკა აჩენდა გარკვეული მანიპულაციების შესახებ ეჭვებს. ამ დღეს ორგანიზაციამ გაასაჯაროვა მონაცემები, რომელთა მიხედვითაც, ზოგიერთ უბანზე ხმა მისცა უფრო მეტმა კაცმა, ვიდრე საარჩევნო სიაში იყო. ასევე ნახეთ ISFED: ცესკოს მონაცემებით, ბაკურიანის უბანზე რეგისტრირებულზე 77-ით მეტი კაცი მივიდა ასევე ნახეთ ცესკო ISFED-ის პასუხად ამბობს, რომ 11 უბანზე გენდერული სტატისტიკა ცდომილებით დამუშავდა საქართველოში საპარლამენტო არჩევნები 26 ოქტომბერს ჩატარდა - ოპოზიციური პარტიები და საქართველოს პრეზიდენტი საპარლამენტო არჩევნების შედეგებს გაყალბებულად მიიჩნევენ, არ აღიარებენ და მოითხოვენ ახალ არჩევნებს, რომელსაც ჩაატარებს საერთაშორისო საარჩევნო ადმინისტრაცია. ცესკოს წინასწარი მონაცემებით, „ქართული ოცნება“ ხელისუფლებაში რჩება მეოთხე ვადით. ამ არჩევნებზე მოსახლეობის 90-მა პროცენტმა ხმა ელექტრონული სისტემების გამოყენებით მისცა - ელექტრონულ უბნებზე ხმის ფარულობის უფლების დარღვევა ამ არჩევნების ერთ-ერთი მთავარი იდენტიფიცირებული პრობლემაა. არჩევნების დარღვევების გამოძიების საჭიროებაზე საუბრობენ საქართველოს პარტნიორებიც დასავლეთში. საერთაშორისო გამოძიების მოთხოვნის პარალელურად, არჩევნების სავარაუდო გაყალბების ფაქტზე გამოძიებას ცესკოს მოთხოვნით აწარმოებს საქართველოს პროკურატურა. ამ საქმეზე უკვე გამოიკითხნენ ოპოზიციური ლიდერები, გამოძიება აპირებს პრეზიდენტ სალომე ზურაბიშვილის გამოკითხვასაც. ...