ფინეთის მოქალაქეობის მქონე რუსმა ბიზნესმენებმა გენადი ტიმჩენკომ და რომან როტენბერგმა სტადიონი „ჰელსინკის არენა“ ფინელ ინვესტორთა ჯგუფს მიჰყიდეს. როგორც გამოცემა Ilta-Sanomat-ი იუწყება, გარიგება უნდა დაამტკიცოს ფინეთის ხელისუფლებამ და ევროკავშირმა, რასაც შეიძლება რამდენიმე თვე დასჭირდეს. გარიგება დაახლოებით 60 მილიონ ევროდ არის შეფასებული. არენის გაყიდვის თანხა ხელისუფლების კონტროლის ქვეშ მყოფ სპეციალურ ანგარიშებზე გადაირიცხება და იქ შეინახება მანამ, ვიდრე ბიზნესმენების წინააღმდეგ სანქციები მოქმედებს. გაზეთის თანახმად, სქემას მხარს უჭერს პრემიერ-მინისტრი პეტერი ორპო. მრავალფუნქციურმა სტადიონმა, რომლის ტევადობა 15000-მდე ადამიანია, მუშაობა 2022 წელს, უკრაინაში რუსეთის შეჭრისა და რუსი ბიზნესმენების წინააღმდეგ სანქციების გაფართოების შემდეგ შეწყვიტა. ხელისუფლება თვლიდა, რომ ცარიელი ობიექტი ზიანს აყენებდა ქვეყნისა და ქალაქის იმიჯს და მისი გაყიდვას გადაწყვეტილება მიიღო. რუსეთის პრეზიდენტის ვლადიმერ პუტინის ძველი ნაცნობი გენადი ტიმჩენკო აშშ-ის სანქციების ქვეშ 2014 წლიდან იმყოფება, ევროკავშირმა კი ის სანქციების სიებში 2022 წელს დაამატა. რომან როტენბერგი ევროკავშირის მიერ სანქცირებული არ არის, მაგრამ ფინეთის ხელისუფლებამ ჩათვალა, რომ მისი მეშვეობით შეიძლება აკონტროლებდეს ბიზნესმენის მამა, პრეზიდენტ პუტინის მეგობარი ბორის როტენბერგი. ის აშშ-სა და ევროკავშირის სანქციების ქვეშ 2022 წლიდან, უკრაინაში რუსეთის ინტერვენციის შემდეგ მოექცა. ასევე ნახეთ ჟურნალისტური გამოძიება ცხადყოფს, როგორ არიდებდნენ თავს სანქციებს რუსი ოლიგარქები ...