საქმეს სადაც სამი მოსარჩელე ჰყავს: "ერთიანობა ნაციონალური მოძრაობა", "ძლიერი საქართველო" და "ახალგაზრდა იურისტთან ასოციაცია"(საია). ისინი საოლქო კომისიების შემაჯამებელი ოქმების გაბათილებას მოითხოვდნენ. პროცესზე მოსარჩელეებმა 11 შუამდგომლობა დააყენეს, თუმცა მოსამართლე ივერი აბაშიძემ არც ერთი დააკმაყოფილა. სარჩელები საქალაქო სასამართლოში ცალ-ცალკე შევიდა, თუმცა სასამართლომ გაერთიანების გადაწყვეტილება მიიღო. ამჯერად, მოპასუხე მხარე ცესკო იყო, რადგან საოლქო კომისიის შემაჯამებელი ოქმების შედეგები ჯერ ცესკოში, როგორც ზემდგომ ორგანოში გასაჩივრდა, ცესკომ მოთხოვნა არ დააკმაყოფილა, შესაბამისად, შემდეგი ნაბიჯი სასამართლო იყო. 6-7 ნოემბერს სააპელაციო სასამართლოში 23-საათიან სხდომაზე 13 ნოემბრის პროცესისგან განსხვავებით, საარჩევნო უბნების შემაჯამებელი ოქმების ბათილობას ითხოვდნენ. საარჩევნო დავების მესამე ეტაპი ცესკოს შემაჯამებელი ოქმის გასაჩივრება შესაძლოა. იყოს. ეს დავაც იგივე ეტაპებს გაივლის. სხდომის შემდეგ, ერთ-ერთმა მოსარჩელემ, ოპოზიციონერმა პოლიტიკოსმა თამარ კორძაიამ "ქართული ოცნების" ქმედებები საბჭოთა კავშირს შეადარა. "მმართველი პარტია საბჭოთა კავშირის სტილშია. კომუნისტური პარტიის ნაცვლად მას დღეს ქართული ოცნება ჰქვია და ბიძინა ივანიშვილი ყავს სათავეში და დიქტატურას ამყარებს სრულად იმიტომ, რომ არც ერთი შუამდგომლობა გაითვალისწინა, არც ერთი სარჩელი დააკმაყოფილა, არც ერთი არგუმენტი არ იყო დასაბუთებული? არ აინტერესებდა, მტკიცებულებები ნანახი და წაკითხული არ ჰქონდა იმიტომ, რომ საკითხი გადაწყვეტილი იყო", - განაცხადა თამარ კორძაიამ. ასევე ნახეთ საჩივრები არჩევნებზე, დავა საქალაქო სასამართლოში საპარლამენტო არჩევნების სადამკვირვებლო ორგანიზაციებისა და ოპოზიციური პარტიების სარჩელებით, "საქართველოს ახალგაზრდა იურისტთა ასოციაცია" ამტკიცებს, რომ ბიულეტენების უკანა მხარეს მონიშვნის გამოჩენის გამო, ყველა ელექტრონულ უბანზე დაირღვა ამომრჩეველთა ხმის ფარულობა და შედეგები უნდა გაუქმდეს. იმავეს ამტკიცებენ ოპოზიციური პარტიები „ძლიერი საქართველო“ და „ერთიანობა - ნაციონალური მოძრაობა“. დამატებით, პარტიები მიუთითებენ, რომ არჩევნებზე იყო სხვა დარღვევებიც: მოსყიდვა, დაშინება, დამკვირვებლების საქმიანობაში ხელშეშლა. ...