ევროპარლამენტარების ნაწილი, რომელთაგანაც არც ერთი წარმოადგენს ევროპარლამენტის ძირითად ფრაქციებს, აღიარებს "ქართული ოცნების" გამარჯვებას 26 ოქტომბრის არჩევნებში და ევროკავშირის ქმედებებს საქართველოს შიდა საქმეებში ჩარევად აფასებს. ასევე ნახეთ ეს არჩევნები არ შეესაბამება ევროკავშირის კანდიდატის სტატუსის მქონე ქვეყნის სტანდარტს - ევროკომისიის წარმომადგენელი "საქართველომ თავისუფალი და სამართლიანი არჩევნები ჩაატარა. ეს ყველამ იცის, ვინც იქ იყო", - თქვა უნგრელმა ევროპარლამენტარმა ანდრას ლაზლომ, რომელიც ვიქტორ ორბანის "ფიდესს" წარმოადგენს. უნგრეთის პრემიერ-მინისტრი ჯერჯერობით ერთადერთი დასავლელი ლიდერია, ვინც "ქართულ ოცნებას" 26 ოქტომბრის არჩევნებში გამარჯვება მიულოცა. "ზოგიერთ საარჩევნო უბანზე ადგილი ჰქონდა მცირე პროვოკაციებსა და ინციდენტებს, მაგრამ ისეთს არაფერს, რაც სხვაგან ვერ მოხდებოდა", - თქვა ლაზლომ. მან ასევე საქართველოს დესტაბილიზაციაში დასდო ბრალი "პოლიტიკოსებს ევროკავშირის ქვეყნებისკენ" და თქვა, რომ იმისდა მიუხედავად, რომ ევროკავშირში ზოგიერთს არ მოსწონს, პატივი უნდა სცენ ქართველების არჩევანს. "ჩვენ უნდა გავაგრძელოთ პარტნიორობა და გაწევრების მოლაპარაკებები ახალ მთავრობასთან", - დასძინა უნგრელმა ევროპარლამენტარმა იმ ფონზე, როცა ევროკავშირის ლიდერები ამბობენ, რომ საქართველოს ევროინტეგრაციის პროცესი შეჩერებულია. დანილო დელა ვალემ, რომელიც იტალიურ პოპულისტურ პარტია "ხუთი ვარსკვლავის მოძრაობას" წარმოადგენს, თქვა, რომ ცესკომ საარჩევნო უბნების ნაწილის შედეგები გადათვალა და დარღვევები ვერ აღმოაჩინა. "ამისდა მიუხედავად, ახლა [საქართველოს] გაწევრების პროცესის შეჩერებით ვემუქრებით, მარტო იმიტომ, რომ ჩვენს კოლეგებს ევროპარლამენტსა და ევროკომისიაში [არჩევნების] შედეგები არ მოსწონთ", - თქვა მან დანილო დელა ვალემ ევროკავშირი ორმაგ სტანდარტებში დაადანაშაულა - მოლდოვაში სულ მცირე სხვაობით გაიმარჯვეს პროევროპელებმა და ამას ყველა ზეიმობთო. "ქართული ოცნება" დაიცვა სლოვაკმა ულტრამემარჯვენე პოლიტიკოსმა, მილან უჰრიკმაც. "ვის ენდომება, რომ 70 გენდერი ასწავლონ სკოლაში? ან ვის ენდომება, რუსეთთან ომში ჩაერთოს? თქვენ ის გაწუხებთ, რომ ქართველებმა არ დაუშვეს, საკუთარ მიწაზე მანიპულაციის მსხვერპლი გამხდარიყვნენ", - მიმართა მან დანარჩენ ევროპარლამენტარებს. ასევე ნახეთ „ქართული ოცნება” იქცა „ქართულ კოშმარად” - ევროპარლამენტარი საქართველოს ხელისუფლებისადმი სიმპათიით იყო განწყობილი ფრანგი ევროპარლამენტარი ტიერი მარიანიც. "ათი დღე იყო გასული "ქართული ოცნების" გამარჯვებიდან, როცა გერმანიის ელჩი ფარისევლობით სავსე გზავნილში მშვი...