„მნიშვნელოვანი შეუსაბამობაა ორი ამერიკული ავტორიტეტული ორგანიზაციის ჩატარებულ ეგზიტპოლებსა და ცესკოს მონაცემებს შორის, რაც აჩენს საფუძვლიან ეჭვს, რომ თავისუფლად და სამართლიანად ჩატარდა არჩევნები“: Edison Research-ის შემთხვევაში 13%, HarrisX-ის შემთხვევაში - 12%; არჩევნების შემდეგ HarrisX-ის ჩატარებული აუდიტის მიხედვით, „ქვეყნის მასშტაბით შეუსაბამობა 8%-ზე მეტია, 172 523 ხმაზე, რაც არ აიხსნება სტატისტიკური გადახრით და მანიპულაციაზე მიუთითებს“. ამ ორგანიზაციამ მნიშვნელოვანი ცდლომილებები გამოავლინა 73 ოლქიდან 27 ოლქში. მისი გამოთვლით „ქართულ ოცნებას“ შეეძლო ხმების 44,4%-ის მიღება; 2017-2021 წლებში ჩატარებულ ხუთ არჩევნებსა და Edison Research-ის ეგზიტპოლს შორის ცდომილება 1-3% შორის იყო, 2024 წელს კი განსხვავება 13%; ცესკოდან გამოთხოვილი ინფორმაციის ანალიზის საფუძველზე „სამართლიანმა არჩევნებმა“ დაადგინა, რომ საარჩევნო უბნების მნიშვნელოვან ნაწილზე ქალ და კაც ამომრჩეველთა აქტივობას შორის განსხვავება „ნორმალურ განაწილებაში“ არ ჯდება. „ნორმალური განაწილების“ მაგალითია, როცა ერთსა და იმავე მუნიციპალიტეტის გვერდი-გვერდ საარჩევნო უბნებში აქტივობა მსგავსია, მათ შორის სქესის მიხედვით; ამავე საჯარო ინფორმაციის მიხედვით, რამდენიმე უბანზე იმაზე მეტი კაცი ამომრჩეველი მივიდა, ვიდრე რეგისტრირებული იყო. ასეთი შემთხვევა გამოვლინდა ისეთ უბანზეც კი, სადაც არჩევნები ელექტრონულად ჩატარდა და ამომრჩეველთა აქტივობას სქესის მიხედვით კომპიუტერული მოწყობილობა ითვლიდა; არასამთავრობო ორგანიზაციების ცნობით, წინასაარჩევნო პერიოდში გატარებულმა საკანონმდებლო ცვლილებებმა, ამომრჩევლის დაშინებამ, ხმის მიცემის ფარულობის დარღვევეამ და სხვა დარღვევებმა გავლენა მოახდინა არჩევნებზე; ორი გამონაკლისის გარდა (თეთრიწყაროსა და გორის) სასამართლოებმა არ დააკმაყოფილეს პოლიტიკური პარტიებისა და არასამთავრობო ორგანიზაციების ათეულობით სარჩელი; ცესკო 17-წევრიანი შემადგენლობიდან შვიდ წევრსა და თავმჯდომარეს ირჩევს პარლამენტი, რომლის უმრავლესობაშიც „ქართული ოცნებაა“. ერთ წევრს ნიშნავს სახელისიფულებო პარტია, დანარჩენ რვა წევრს კი ოპოზიციური პარტიები. „არსებობს მყარი და დასაბუთებული მტკიცებულებები არჩევნების გაყალბებაზე - ჰქონდა სისტემური ხასიათი, რაც ამომრჩეველს არ აძლევდა საკუთარი ნების გამოხატვის შესაძლებლობას, საარჩევნო მანიპულაციები იმდენად ფართოდ გამოიყენებოდა, რომ არსებითი გავლენა მოახდინა არჩევნების შედეგებზე. [არსებობს] არჩევნებში რუსეთის ჩარევაზე ეჭვი. ჩვენ არ გვაქვს პირდაპირი მტკიცებულებები, მაგრამ გვაქვს ირიბი მტკიცებულებები. ვამბობთ, რომ გონივრულია, ამაზე ეჭვი არსებობდეს. გამოვლინდა მნიშვნელოვანი სტატისტიკური შეუსაბამობები, მათ შორის ამომრჩეველთა აქტივობასა და არჩევნების შედეგებს შორის, რაც მმართველი ...