ცენტრალური საარჩევნო კომისია აქვეყნებს ელექტრონული ტექნოლოგიების მიმწოდებელი კომპანია „სმარტმატიკის“ ცესკოსადმი გაგზავნილ წერილს, რომელშიც კომპანია ამბობს, რომ საარჩევნო ბიულეტენზე არჩევანის დასაფიქსირებლად გამოყენებული სპეციალური მარკერები საარჩევნო ადმინისტრაციას მან მიაწოდა და ეს მარკერები გამოიყენეს ოქტომბრის არჩევნებში. „ვადასტურებთ, რომ ქვემოთ მოცემულ ფოტოზე ასახული მარკირების კალამი მოწოდებულია Smartmatic-ის მიერ ოქტომბრის საარჩევნო პროცესისთვის ხელშეკრულების ფარგლებში და შეესაბამება შავი და სწრაფად შრობადი მელნის მოთხოვნებს“, - წერია კომპანიის წერილში, რომელიც 14 ნოემბრით თარიღდება. „აღნიშნული მარკერები წარმოადგენს იმ სახარჯ მასალას, რომელიც შედიოდა არჩევნების კონფიგურაციის პროცესის განმავლობაში არჩევნების მიზნებისთვის არსებულ კომპლექტაციაში, რომელ პროცესშიც Smartmatic-მა უზრუნველყო მხარდაჭერა“, - წერია წერილში. კომპანია ასევე წერს, რომ „აღნიშნული მარკერები წარმატებულად გამოიყენეს არა მხოლოდ ოქტომბრის არჩევნების დროს, არამედ 2024 წლის 11 სექტემბერს ჩატარებული იმიტირებული არჩევნების დროსაც, ასევე სხვადასხვა ტრენინგების და ამომრჩეველთა საგანმანათლებლო აქტივობების მიმდინარეობისას ძირითადი საარჩევნო პროცესის მომზადების ეტაპზე და რაიმე ტიპის პრობლემური საკითხი მათ ეფექტურობაზე არ დაფიქსირებულა“. გუშინ, 14 ნოემბერს, „ერთიანობა - ნაციონალური მოძრაობის“ თავმჯდომარე თინა ბოკუჩავამ განაცხადა, რომ პარტიამ მოიპოვა მტკიცებულება, რომლის მიხედვითაც, ცესკომ ელექტრონული ტექნოლოგიების მიმწოდებელი კომპანია „სმარტმატიკის“ ბრენდირებული მარკერები არჩევნების წინა დღით ჩაანაცვლა არაბრენდირებული მარკერებით. მისი განმარტებით, არაბრენდირებული მარკერები ტოვებდა კვალს, რის საფუძველზეც შეილახა ფარულობის და შესაბამისად, თავისუფალი ნების გამოხატვის პრინციპები, „რაც გახდა სწორედ მასობრივი კონსტიტუციური პრინციპების დარღვევის საფუძველი“. ასევე ნახეთ მთელი სოფელი 10 წუთში გაიგებდა - ღია დავა საარჩევნო ხმის ფარულობის დარღვევაზე მოგვიანებით, თინა ბოკუჩავას პასუხად, ცენტრალურმა საარჩევნო კომისიამ ფეისბუკის გვერდზე გაავრცელა განცხადება, რომელშიც „კატეგორიულად“ არის ნათქვამი, რომ „პოლიტიკოსების მიერ გავრცელებული ინფორმაცია ცესკოს მიერ მარკერების შეცვლის შესახებ არის სრული სიცრუე და საზოგადოების შეცდომაში შეყვანას ისახავს მიზნად“. „ნაციონალური მოძრაობა“, „ძლიერ საქართველოსთან“ და „საქართველოს ახალგაზრდა იურისტთა ასოციაციასთან“ ერთად, საარჩევნო უბნების 90%-ის ბათილად გამოცხადებას ითხოვს - ამჯერად სააპელაციო სასამართლოში. მოსარჩელეები მიიჩნევენ, რომ ბიულეტენების უკანა მხარეს მონიშვნის გამოჩენის გამო, ყველა ელექტრონულ უბანზე დაირღვა ამომრჩეველთა ხმის ფარულობა და შედეგები უ...