უკრაინის დნეპროპეტროვსკის რაიონის ქალაქ კრივოი- როგში დაშალეს რუსი მწერლების ალექსანდრე პუშკინისა და მიხეილ ლერმონტოვის ძეგლები. ამის შესახებ იტყობინებიან ადგილობრივი ტელეგრამის არხები, რომლებიც შესაბამის ფოტო და ვიდეომასალას აქვეყნებენ. три 2024 წლის ზაფხულში კრივოი-როგში სსრკ-სთან ან რუსეთის იმპერიასთან დაკავშირებული 135 ტოპონიმი შეიცვალა, მთლიანად დნეპროპეტროვსკში კი 290-ზე მეტი მსგავსი დასახელება შეცვალეს. შარშანა უკრაინის პრეზიდენტმა ვოლოდიმირ ზელენსკიმ ხელი მოაწერა კანონს, რომელიც კრძალავს გეოგრაფიული ობიექტებისთვის რუსეთთან დაკავშირებული დასახლებების მინიჭებას. კანონის თანახმად, აკრძალულია გეოგრაფიული ობიექტებისთვის ისეთი დასახელებების მინიჭება, რომლებიც „განადიდებს, უკვდავყოფს, პროპაგანდას უწევს ან სიმბოლურად აღნიშნავს“ რუსეთს. კერძოდ, აკრძალულია დასახელებების გამოყენება, რომლებიც დაკავშირებულია რუსულ ძეგლებთან, ისტორიულ, კულტურულ ადგილებთან, თარიღებთან, მოვლენებთან. ასევე აკრძალვა ვრცელდება დასახელებებზე, რომლებიც დაკავშირებულია იმ რუს მოღვაწეებთან, რომლებიც „სამხედრო აგრესიას ახორციელებდნენ უკრაინისა და სხვა სახელმწიფოების წინააღმდეგ“ და დევნიდნენ დისიდენტებს. ასევე ნახეთ ზელენსკიმ ხელი მოაწერა კანონს რუსეთთან დაკავშირებული ტოპონიმების აკრძალვის შესახებ ასევე ნახეთ ოდესაში აიღეს ეკატერინე II-ისა და ალექსანდრე სუვოროვის ძეგლები ...