ამის შესახებ მან 15 ნოემბერს, არჩევნებზე დამკვირვებელი ორგანიზაციების წარმომადგენლებთან შეხვედრის შემდეგ ჟურნალისტებთან ისაუბრა. "მე მინდა, გამოვეხმაურო იმ მოვლენებს, რაც ოკუპირებულ აფხაზეთში ხდება და ასევე, რუსულ პოლიტიკას. მინდა დავგმო ის, რომ დღეს რუსეთი დგამს აჩქარებულ ნაბიჯებს ანექსიის მიმართულებით, როცა ითხოვს საქართველოსგან, რომ დათანხმდეს დელიმიტაციაზე, რაც არის წარმოუდგენელი და რაც, პრინციპში, უგულებელყოფს მთელ ლოგიკას საქართველოს მთავრობის, ვითომ და დათმობებით შეიძლება შეაცვლევინო რუსეთს მისი პოლიტიკა. შეაცვლევინებ კი არა ააჩქარებ და ეს ჩანს ყოველდღიურად. ის, რაც ხდება ოკუპირებულ აფხაზეთში, იქაც არის მცდელობა, რომ რუსული კანონი გაატაროს და რასაც სამოქალაქო საზოგადოება წინ აღუდგა. მინდა, მათ სოლიდარობა გამოვუცხადო", - განაცხადა სალომე ზურაბიშვილმა. საქართველოს ხელისუფლების მაღალი თანამდებობის პირთა შორის, რუსეთის მიერ ოკუპირებულ აფხაზეთში მიმდინარე მოვლენებს, მანამდე, მხოლოდ საქართველოს პარლამენტის თავმჯდომარე შალვა პაპუაშვილი გამოეხმაურა. „ანექსიის მცდელობას მე ვერ დავარქმევდი“, - უთხრა პაპუაშვილმა ჟურნალისტებს 15 ნოემბერს. „რა თქმა უნდა, ზოგადად, ამდენი ხანია ვსაუბრობთ, რომ ეს რისკები არის, როდესაც ვხედავდით ანექსიის პოლიტიკაზე გადასვლას სხვა ქვეყნებთან დაკავშირებით. მაგრამ სწორედ ამ კონკრეტულ შემთხვევასთან დაკავშირებით, არ ვიცი [ანექსიის მცდელობაზე] რატომ ვსაუბრობთ“, - განაცხადა პაპუაშვილმა. ასევე ნახეთ ანექსიის მცდელობას ამას ვერ დავარქმევდი - პაპუაშვილი ოკუპირებულ აფხაზეთში არეულობაზე ასევე ნახეთ ოკუპირებულ აფხაზეთში "პრეზიდენტის" გადადგომის საკითხს განიხილავენ, ოპოზიციის ჩართულობით 15 ნოემბერს, ოკუპირებულ აფხაზეთში, მოვლენები მოულოდნელად სწრაფად განვითარდა, როცა ქუჩაში ათასობით ადამიანი გამოვიდა. დღის მეორე ნახევარში, ისინი ე.წ. პარლამენტისა და მთავრობის ადმინისტრაციის შენობებში შეიჭრნენ. იყო მცირედი დაპირისპირება, მომიტინგეების წინააღმდეგ ცრემლსადენი გაზიც გაუშვეს, მაგრამ შემდეგ - ძალოვნებს მათთვის წინააღმდეგობა აღარ გაუწევიათ. აქცია ე.წ. პარლამენტის შენობასთან, 15 ნოემბერს, დილიდან იმართებოდა - როცა სოხუმსა და მოსკოვს შორის საინვესტიციო ხელშეკრულების რატიფიცირება იყო დაგეგმილი. საკითხის განხილვა ჩაიშალა. დღის წესრიგში საკითხის შესატანად, ე.წ. დეპუტატების რაოდენობა არასაკმარისი აღმოჩნდა და სესია არ შედგა. გავრცელებული ცნობებით, სოხუმში მიმდინარე აქციის მონაწილეებმა რკინის ჭიშკარი ავტომობილით გაანგრიეს და ე.წ. პარლამენტისა და მთავრობის ადმინისტრაციის ტერიტორიაზე ამ გზით შეიჭრნენ. რკინის ზღუდე მათ რამდენიმე ადგილას გაარღვიეს. როგორც იუწყებიან, ამჟამად, ბჟანიას მიერ აღმართული ჭიშკარი ს...