მანიფესტში წერია, რომ სტუდენტები უერთდებიან საერთო სახალხო პროტესტს და გმობენ „ქართული ოცნების“ მიერ 2024 წლის ოქტომბრის არჩევნების სისტემურ გაყალბებას, რომელიც, მათი სიტყვებით, ეწინააღმდეგება დემოკრატიის პრინციპებს და მნიშვნელოვან დარტყმას აყენებს სახელმწიფო კონსტიტუციას, ინტერესებსა და რეპუტაციას საერთაშორისო დონეზე. три „განათლების საკითხებში ხელისუფლების უხეში ჩარევის ფაქტები: დისკრიმინაციული და შერჩევითი გადაწყვეტილებები საგანმანათლებლო დაწესებულებისთვის ავტორიზაციის მინიჭების პროცესში და სწავლების ნაწილში ცენზურის დაწესება, განათლებაზე თავდასხმად გვესახება, ხოლო “რუსული” და ცენზურის დამწესებელი კანონებისა და სხვა უფლებებისა და თავისუფლებების შემლახავი რეპრესიული ქმედებების ფონზე, არჩევნების სისტემური გაყალბების ფაქტი ცხადყოფს “ქართული ოცნების” მხრიდან სახელმწიფოს მიტაცების უხეშ მცდელობას“, - წერენ სტუდენტები. три მათ სჯერათ, რომ ხარისხიანი და სრულფასოვანი განათლება მათი უფლებაა, სახელმწიფო კი ეკუთვნის ხალხს და არავის აქვს უფლება მიითვისოს ხელისუფლება. „თუ ხელისუფალი არ პასუხობს ჩვენს ნებას, ჩვენ გვაქვს კონსტიტუციით მონიჭებული უფლება, პროტესტის გზით შევცვალოთ ის“, - ვკითხულობთ სტუდენტურ მანიფესტში. მათივე სიტყვებით, ისტორიული არჩევანი გაკეთებულია, საქართველო ყოველთვის ირჩევდა და ირჩევს ევროპას, წინსვლასა და განვითარებას. ახალგაზრდები ამბობენ, რომ ისინი მხარს უჭერენ პროტესტის ყველა არაძალადობრივ ფორმას და ყველა სტუდენტს მოუწოდებენ ერთობისკენ. три „ჩვენ არ ვაპირებთ, დავთმოთ ჩვენი ქვეყნის თავისუფლება. საქართველოს სტუდენტები, როგორც საქართველოს მოქალაქეები, ვრჩებით დემოკრატიული ღირებულებებისა და სახელმწიფო ინტერესების ერთგული. არ ვცნობთ ჩატარებულ არჩევნებს და ამ არჩევნების შედეგების შესაბამისად დაკომპლექტებულ პარლამენტს ლეგიტიმურად და მზად ვართ ბოლომდე ვიბრძოლოთ ჩვენი და ჩვენი ქვეყნის თავისუფლებისთვის! გვახსოვდეს, ძალა ერთობაშია და გამარჯვება გარდაუვალია! ვიბრძვით თავისუფლებისთვის! გავიმარჯვებთ სახელოვნად!“ ამ მანიფესტს ხელს აწერენ: ილიას უნივერსიტეტის, თბილისის სახელმწიფო უნივერსიტეტის, ბათუმის შოთა რუსთაველის სახელობის უნივერსიტეტის, თბილისის სახელმწიფო სამედიცინო უნივერსიტეტის, აგრარული უნივერსიტეტის, თავისუფალი უნივერსიტეტის, შავი ზღვის საერთაშორისო უნივერსიტეტის, კავკასიის უნივერსიტეტის, GIPA-ს უნივერსიტეტის, BTU-ს, საქართველოს უნივერსიტეტის, ქუთაისის საერთაშორისო უნივერსიტეტის;, საქართველოს ტექნიკური უნივერსიტეტის სტუდენტები. ამ წუთებში თბილისში, პარლამენტის წინ იწყება საპროტესტო აქცია "უთხარი არა გაყალბებულ არჩევნებს და დაიბრუნე შენი ხმა“, რომლის ორგანიზატორია სადამკვირვებლო მისია "ჩემი ხმა". აქციას სტუდენტების გარდა უერთდებ...