„კოალიცია ცვლილებისთვის“ ერთ-ერთმა ლიდერმა ნიკა გვარამიამ განაცხადა, რომ მოლაპარაკების მაგიდასთან დასხდომის შეთავაზებით მიიღეს სიგნალები ბიძინა ივანიშვილისგან, მმართველი პარტიის საპატიო თავმჯდომარისგან. "ტვ პირველის" ეთერში ჩართვისას, გვარამიამ საუბარი ამ თემაზე მაშინ დაიწყო, როდესაც წამყვანმა კითხვა დაუსვა პრემიერ-მინისტრ ირაკლი კობახიძის მიერ პარლამენტის პირველი სხდომის თარიღის - 25 ნოემბრის - დასახელების თაობაზე. ასევე ნახეთ ახალი პარლამენტი 25 ნოემბერს შეიკრიბება - პრემიერი „მსგავსი რამ "ქართულ ოცნებას" ვერ გადაარჩენს, თუ არადა ბატონ კობახიძეს მოვუყვებით, როგორ გამოდიან მოლაპარაკებაზე ბიძინა ივანიშვილისგან ჩვენთან პირადად იმასთან დაკავშირებით, რომ კობახიძე საერთოდ გაქრება პოლიტიკური სპექტრიდან იმ შემთხვევაში, თუ ოპოზიცია თანახმა იქნება. ამ შემთხვევაში არა მხოლოდ ჩვენი პარტია და რაღაცნაირად ისაუბრებს, დაჯდება მოლაპარაკების მაგიდასთან „ქართულ ოცნებასთან“, ამას თქვენთან ვამბობ და ეს ნამდვილად არ მეჩვენება. ახლა კობახიძეს სანამ არ მობეზრდება, იქამდე ატაროს მთავრობის სხდომები. რა თქმა უნდა, არავითარი მოლაპარაკება „ქართულ ოცნებასთან“ არ იქნება. მოლაპარაკება შესაძლებელია ერთადერთ საკითხზე - ხელახალი არჩევნები და ხელისუფლების მშვიდობიანი გადაბარება, კობახიძე არავის არ აღელვებს, საიდანაც გინდა, იქიდან ააორთქლოს ბიძინა ივანიშვილმა“, - თქვა ნიკა გვარამიამ და დაამატა, რომ "არავითარი ვაჭრობა არ იქნება". დამაზუსტებელ კითხვაზე, იყო თუ არა რაიმე ტიპის სიგნალი, რომ მოლაპარაკება შეიძლება კობახიძეს სურდეს, ნიკა გვარამიამ განაცხადა, რომ კობახიძე არაფერს წარმოადგენს და სიგნალი ქვეყნის ფარგლებს გარედან მიიღეს ივანიშვილისგან. „სიგნალი იყო პირადად ივანიშვილის მხრიდან იმასთან დაკავშირებით, რომ კობახიძე საერთოდ გაქრება პოლიტიკური დღის წესრიგიდან. მე არ ვაპირებ დაზუსტებას, მაგრამ ეს სიგნალი ამ ქვეყნის ფარგლებში არ ყოფილა, ჩვენ მოგვაწოდეს ეს სიგნალი ბიძინა ივანიშვილის მხრიდან, ოღონდ ამ ქვეყნის ფარგლებს გარეთ. პასუხიც იყო აბსოლუტურად ცალსახა - არავითარი ინტერესი ჩვენ არ გაგვაჩნია იმასთან დაკავშირებით, ვის რას სთავაზობს ბიძინა ივანიშვილი. ერთადერთი საკითხია მოლაპარაკების და განხილვის ღირსი - ახალი არჩევნები“. გვარამიამ დამატებით განმარტა: "ჩვენს ტერიტორიაზე არ მომხდარა ამ სიგნალების გაცვლა, ჩვენ გვყავს წარმომადგენელი, ასევე მათაც ჰყავთ ქვეყნის გარეთ წარმომადგენლები და მოხდა კონკრეტული ინფორმაციის ურთიერთგაცვლა, რომ კობახიძე და დღევანდელი მთავრობა საერთოდ არ მონაწილეობდნენ არანაირ პოლიტიკურ დისკურსში, ოღონდ ოპოზიცია, ჩვენ წამყვანი ოპოზიციურ ძალა ვართ, მოგეხსენებათ, დათანხმდეს იმაზე, რომ რაღაცა ფორმით მაინც შედგეს თანამშრომლობა....