„ასლან ბჟანიამ, რომელმაც ხელი მოაწერა პრეზიდენტის თანამდებობიდან გადადგომის განცხადებას, აფხაზეთის თვითგამოცხადებული რესპუბლიკა დატოვა", - ამის შესახებ წერს „აფხაზური პორტალი“, თუმცა ინფორმაციას ოფიციალურად ჯერჯერობით არ ადასტურებენ. ასევე ნახეთ ასლან ბჟანია: „ვიმყოფები მშობლიურ სოფელ ტამიშში“ დე ფაქტო რესპუბლიკის ხელისუფლებასა და ოპოზიციას შორის ურთიერთობის გამწვავების ფონზე ბჟანიამ განაცხადა, რომ გადადგომის შემთხვევაში, მონაწილეობას მიიღებდა ვადამდელ "საპრეზიდენტო არჩევნებში". 19 ნოემბერს აფხაზეთის ე.წ. პარლამენტი (სახალხო კრება) განიხილავს განცხადებას ასლან ბჟანიას გადადგომის შესახებ. მხარეებს შორის მიღწეული შეთანხმების მიხედვით, დე ფაქტო პრეზიდენტის მოვალეობას "ვიცე-პრეზიდენტი" ბადრა გუნბა შეასრულებს, "პრემიერ-მინისტრის" პოსტზე კი "პარლამენტის ყოფილი სპიკერი" ვალერი ბგანბა დაინიშნება. renderExternalContent("https://www.youtube.com/embed/knAq71seWYQ?&&&fs=1&enablejsapi=1") ასლან ბჟანიას გადადგომა აიძულა ოპოზიციამ. 15 ნოემბერს რუსეთ-აფხაზეთის საინვესტიციო ხელშეკრულების წინააღმდეგ გამოსულმა დემონსტრანტებმა ე.წ. სამთავრობო შენობების კომპლექსის გარშემო აღმართული ღობე მოანგრიეს და "პარლამენტისა" და "პრეზიდენტის ადმინისტრაციის" შენობები დაიკავეს. პროტესტის ფონზე "პარლამენტმა" გააუქმა სხდომა, რომელზეც მოსკოვთან საინვესტიციო ხელშეკრულების რატიფიცირების კენჭისყრა უნდა გამართულიყო. დე ფაქტო პრეზიდენტის ადმინისტრაციამ ხელშეკრულების გაწვევის გადაწყვეტილება მიიღო, თვითონ ბჟანიამ კი თავი მშობლიურ სოფელ ტამიშში შეაფარა. ასევე ნახეთ ადგურ არძინბა: „აფხაზეთში შეუძლებელია თვითმპყრობელობა!“ ...