სოციალურ ქსელ X-ზე გამოქვეყნებულ მოკლე განცხადებაში ნათქვამია, რომ შეშფოთებული არიან თბილისში, ხელახალი არჩევნების მოთხოვნით გამართულ აქციაზე, პოლიციის ძალის გადამეტებაზე ცნობებით. "ODIHIR-ი შეშფოთებულია საქართველოში საპოლიციო ძალების მხრიდან ძალის გადამეტების შესახებ ცნობებით და მოუწოდებს ხელისუფლებას, ხელი შეუწყონ მშვიდობიან შეკრებას და დიალოგში ძალადობის გარეშე ჩაერთონ. მშვიდობიანი პროტესტისა და კრიტიკული აზრის გამოხატვის უფლება სასიცოცხლოდ მნიშვნელოვანია ყველა დემოკრატიული საზოგადოებისთვის", - ვკითხულობთ განცხადებაში. три ასევე ნახეთ რას ჰყვებიან და რა ბედი ეწიათ აქციებზე დაკავებულ დემონსტრანტებს? 19 ნოემბერს, დილით, პოლიციამ ვაკეში აქცია დაშალა. შინაგან საქმეთა სამინისტროს ცნობით, ამ დროს 16 ადამიანი დააკავეს. მათ შორის იყო „მთავარი არხის“ ოპერატორი სერგი ბარამიძე. თბილისის სახელმწიფო უნივერსიტეტის პირველი კორპუსის მიმდებარე ტერიტორია დემონსტრანტებს 17 ნოემბრიდან ჰქონდათ გადაკეტილი. აქციის მონაწილეებს, რომლებიც 26 ოქტომბრის საპარლამენტო არჩევნებს გაყალბებულად მიიჩნევენ და ხელახალ არჩევნებს მოითხოვენ, ამ ტერიტორიაზე კარვები ჰქონდათ გაშლილი. ასევე ნახეთ „დაკავებულებს პოლიციის მანქანაშიც გაუსწორდნენ“ - რას ჰყვებიან იზოლატორიდან გამოსული ადვოკატები ...