უკრაინის პრეზიდენტმა ვოლოდიმირ ზელენსკიმ რუსეთის მიერ ესკალაციისკენ გადადგმულ მორიგ ნაბიჯად შეაფასა უკრაინის წინააღმდეგ ახალი რუსული რაკეტის, „ორეშნიკის“ გამოყენება. 21 ნოემბერს, საღამოს რუსეთის პრეზიდენტმა ვლადიმირ პუტინმა გამოაცხადა, რომ უკრაინის ქალაქ დნეპრს საშუალო მანძილზე მოქმედების უახლესი ბალისტიკური რაკეტით, „ორეშნიკით“ დაარტყეს. პასუხად, გვიან ღამით სოციალური ქსელებით გავრცელდა უკრაინის პრეზიდენტ ვოლოდიმირ ზელენსკის განცხადება, რომ პუტინმა აღიარა ამ წლის განმავლობაში ესკალაციისა და ომის გაფართოებისკენ გადადგმული მეორე ნაბიჯი. პირველ ასეთ ნაბიჯად ზელენსკიმ დაასახელა უკრაინის წინააღმდეგ ომში ჩრდილოეთ კორეის არმიის, სულ მცირე, 11 ათასი ჯარისკაცის ჩართვა. უკრაინის პრეზიდენტის განცხადებით, პუტინმა ორივე ეს ნაბიჯი გადადგა მსოფლიოში ყველას იგნორირებით და მისთვის სულერთია, რისკენ მოუწოდებენ ჩინეთი, ბრაზილია, ევროპის სახელმწიფოები, ამერიკა და მსოფლიოს დანარჩენი ქვეყნები. ზელენსკის თანახმად, პუტინი ერთადერთია, ვინც არაპროვოცირებული ომი დაიწყო და ყველაფერს აკეთებს, რომ ეს ომი გაგრძელდეს. ასევე ნახეთ პუტინმა განაცხადა, რომ უკრაინის წინააღმდეგ უახლესი სარაკეტო სისტემა „ორეშნიკი“ გამოიყენეს უკრაინის პრეზიდენტის განცხადებით, პუტინი ტყუის, როცა ამბობს, რომ ესკალაციისკენ ახალი ნაბიჯი უკრაინამ გადადგა შორ მანძილზე მოქმედების იარაღის გამოყენებით, რადგან უკრაინას მსგავსი იარაღი პირველად არ გამოუყენებია და საერთაშორისო სამართლის ნორმების თანახმად, თავდაცვის მიზნით ამის სრული უფლება აქვს. ზელენსკის შეფასებით, პუტინის ქმედებებზე მსოფლიოს ძლიერი რეაქცია ჯერჯერობით არ ჩანს. უკრაინის პრეზიდენტმა პარტნიორებს მიმართა, რომ პუტინი მათ გამოცდას უწყობს და თუ მკაცრ რეაქციას არ დაინახავს, იმავეს გააგრძელებს. ზელენსკიმ მსოფლიოს მოუწოდა რეაგირებისა და ზეწოლისკენ, რათა რუსეთს აიძულონ რეალური მშვიდობა, რომელიც მხოლოდ ძალის მეშვეობითაა შესაძლებელი. ასევე ნახეთ რუსეთმა პირველად იგრძნო ATACMS-ის ძალა. კრემლი პასუხს ამზადებს? ასევე ნახეთ უკრაინამ, სავარაუდოდ, პირველად გამოიყენა ბრიტანული Storm Shadow რუსეთის ტერიტორიაზე იერიშისთვის 21 ნოემბერს, რუსეთის მოსახლეობისადმი სატელევიზიო მიმართვისას, პრეზიდენტმა პუტინმა განაცხადა, რომ ბოლო დღეებში უკრაინამ შორ მანძილზე მოქმედების ამერიკული და ბრიტანული რაკეტებით, ATACMS და Storm Shadow შეუტია რუსეთის სამხედრო ობიექტებს ბრიანსკის და კურსკის ოლქებში, თუმცა საჰაერო თავდაცვამ ეს შეტევები მოიგერია. პუტინმა აშშ და მისი ნატოელი მოკავშირეები დაადანაშაულა ესკალაციის კურსის გაგრძელებაში. რუსეთის პრეზიდენტის თქმით, ამერიკული და ბრიტანული იარაღის გამოყენების პასუხად, 21 ნოემბერს რუსეთის ჯარებმა უკრაი...