რუსეთის მოქალაქეთა 78,8% ენდობა ქვეყნის პრეზიდენტ ვლადიმირ პუტინს, გამოკითხვის საფუძველზე იტყობინება რუსეთის საზოგადოებრივი აზრის შემსწავლელი ცენტრი. ამ მონაცემის მიხედვით, პუტინის მიმართ ნდობის მაჩვენებელი არ შეცვლილა. გამოკითხვა ჩატარდა 11-17 ნოემბერს და მასში 18-წელზე უფროსი ასაკის 1600 მოქალაქე მონაწილეობდა. "პირდაპირ შეკითხვას, ენდობიან თუ არა პუტინს, გამოკითხვის მონაწილეების 78,8%-მა დადებითად უპასუხა (არ შეცვლილა). ასევე ნახეთ პუტინს სიბერის დამარცხება სურს - კრემლმა რუს მეცნიერებს დავალება მისცა პრეზიდენტის საქმიანობას დადებითად აფასებს გამოკითხულთა 75,5% (0,8%-ით შემცირდა)", - ნათქვამია სოციოლოგიური სამსახურის ცნობაში. თუ როგორ მართავს რუსეთის მთავრობა ქვეყანას, მისაღებია 49,8 %-სთვის (0,2 %-ით შემცირდა), ხოლო საკუთრივ პრემიერ-მინისტრის, მიხაილ მიშუსტინის მუშაობა დადებითად შეაფასა გამოკითხულთა 52 %-მა (გაზრდილია 0,2 %-ით). მიშუსტინის მიმართ ნდობა გამოხატა 61,4 %-მა (1,1 %-ანი ზრდა). რუსეთის საზოგადოებრივი აზრის შემსწავლელი ცენტრის, ისევე როგორც ზოგადად ავტორიტარულ სახელმწიფოებში მოქმედი მსგავსი ორგანიზაციების მიერ ჩატარებული გამოკვლევების შედეგების სანდოობა საეჭვოა და გამოკითხვების ობიექტური წყაროებით შეფასება ვერ ხერხდება. ასევე ნახეთ სინამდვილეში რა გეგმები ჰქონდა პუტინს უკრაინაში შეჭრისას ...