უკრაინის პარლამენტის დეპუტატებს 22 ნოემბერს ურჩიეს, თავი აარიდონ სამთავრობო არეალს, ამასთან, პარლამენტმა გააუქმა დაგეგმილი სხდომა - ამის მიზეზია შესაძლო სარაკეტო დარტყმის შესახებ გაფრთხილება. დეპუტატმა ტარას ბატენკომ საფრთხის შესახებ 21 ნოემბერს Hovoryt Velykiy Lviv-ის ეთერში ილაპარაკა. „ჩვენ გვაცნობეს უახლოეს დღეებში კიევის პარლამენტზე სარაკეტო დარტყმის საფრთხის შესახებ. პუტინმა მნიშვნელოვნად გაზარდა მუქარა. პარლამენტის ხვალინდელი სხდომა გაუქმდა“, - თქვა მან. სხდომაზე, სავარაუდოდ, სამთავრობო შეკითხვების საათი უნდა გამართულიყო. სხვა კანონმდებლებმა რადიო თავისუფლებას სხდომის გაუქმება დაუდასტურეს, დეპუტატმა ოლექსი ჰონჩარენკომ კიTelegram-ზე დაწერა, რომ შემდეგი სხდომა დეკემბრისთვის დაიგეგმა. პარლამენტის ხელმძღვანელობას ოფიციალური კომენტარი არ გაუკეთებია. პრეზიდენტის ოფისმა საზოგადოებას აცნობა, რომ 22 ნოემბერს მუშაობას "ჩვეულებრივ" რეჟიმში გააგრძელებს. სიფრთხილის ზომა მოჰყვა რუსეთის პრეზიდენტის, ვლადიმირ პუტინის განცხადებას, უკრაინაში “ორეშნიკის” ტიპის საშუალო მოქმედების ახალი ბალისტიკური რაკეტის „წარმატებული საბრძოლო გამოცდის“ შესახებ. ასევე ნახეთ პუტინმა განაცხადა, რომ უკრაინის წინააღმდეგ უახლესი სარაკეტო სისტემა „ორეშნიკი“ გამოიყენეს ...